Latest update July 27th, 2024 12:59 AM
Apr 27, 2022 Dem Boys Seh, Features / Columnists
Kaieteur News – De Prezzie gan to London. But he guh with de wrang message. He talking local investment. Dat moment pass.
Is time fuh he sing another tune. It is call trade and dat is wat needed from de UK, not investment.
Prezzie telling dem investors bout poultry and soya and corn and even locally grown wheat. But dem people nah interested in dem small business. Dem nah interested in Guyana becoming self-sufficient. Dat is fuh we local investors. Not fuh dem big multinationals. Dem looking fuh big deals.
England gat 60 million people and dem nah interested in mekkin any investment in food security or in poultry feed. Dem gat dem eyes pun de oil industry which is where de billions deh. But dem big companies done seal off all dem major deals. Suh dem nah gat much leff fuh dem. Dem wat hear bout big opportunities nat dem small things wah Prezzie went to talk bout.
Dat is why when Prezzie did talking some ah dem people did fighting fuh keep dem eyes open. Dem was bored stiff. And if he did continue yuh might ah hear some snores.
Is time Prezzie get some new advisors. Dem wah he gat around he nah much use now fuh he. Dem should ah tell he dat he shoulda talk bout trade between de UK and Guyana. Dat is wat he should be talking bout. Not investment. He should talk visa-free travel fuh Guyanese fuh go to de UK. After all we is now wan oil-producing state. He should be talking bout de UK buying more rice and other things we produce. And stop stealing we nurses.
Talk half. Leff half.
BE THANKFUL AND GRATEFUL TO THE FOREIGN EXPLOITERS
Jul 27, 2024
Kaieteur News – Former table tennis player Edinho Lewis was on Friday placed on $1,350,000 bail when he appeared at the Georgetown Magistrates’ Court before Principal Magistrate Faith...Kaieteur News – A frightening situation is developing. The law enforcement agencies have been seized a number of illegal... more
By Sir Ronald Sanders Kaieteur News – Everyone’s heart should cry out for the people of Union Island, Carriacou,... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]