Latest update May 13th, 2024 12:06 AM
Nov 08, 2015 Dem Boys Seh, Features / Columnists, News
Some strange things happening and dem boys want to know how come these things wasn’t happening all de time. Yesterday, de police hold on to a man who kill he next door neighbor. But it tek dem two years fuh ketch de man. One of dem boys seh that de best place to hide when you commit a crime is in de police station.
A man get hold wid some drugs and he cousin walk into de police station and offer de officer a raise to let he family go. De policeman warn him and tell him to go home. But as dem boys know, old habits die hard. In de days of de last government nobody woulda get charge fuh giving a policeman a bribe. Even when Rohee set up he tek a bribe hotline nobody didn’t even call to report because dem know was a normal thing.
That is why de man go home and come back wid even more money. When de police hold him and lock him up he beg fuh a call. He call Anil and ask him to tell him since when is a crime to bribe a policeman. Anil tell him that he got to research de topic.
Anyhow dem ketch this neighbor who seh that he kill de woman. He ain’t only kill de woman, he also tek she laptop and a diamond ring. He give he girlfriend de diamond ring and now de police got she fuh tekking stolen property. But three lawyers already tell she that she safe.
But dem boys want to know if a woman don’t know when she fellow can afford something. Kwame, when he was in government, coulda promise some young boys a car but was a government car. He couldn’t walk in to an auto dealer and tell de young boy to sign.
In de same way de woman should know that she man couldn’t afford a diamond ring. But that is another story.
And above all dem business people who want de curfew lifted to four in de morning gun stop calling fuh a change soon. Rum Jattan seh that he gun ask dem to show how much money dem losing. That mean exposing how much taxes dem paying.
Dem boys willing to bet that de business community done calling fuh an end to de curfew.
Talk half and watch how quiet de business people gun become from now.
Listen how to run an oil country
May 12, 2024
– GCF yet to respond to concerns regarding race course By Rawle Toney Kaieteur Sports – Some of the country’s leading cyclists are considering boycotting the National Sports...By Anasa Williams Kaieteur News – Millicent Mary Frank was born on May 11, 1924, at Lot 103 Leopold Street, Werk-en-Rust,... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]