Latest update May 12th, 2024 12:59 AM
Jul 10, 2014 Dem Boys Seh, Features / Columnists, News
Guyana full of laugh. From top to bottom dem got stupid people. Lord Canary was a Minister in de PNC and he didn’t know how many calendar months dem had in a leap year.
Rohee didn’t know de difference between Dominica and de Dominican Republic. Kumar didn’t know de ABC countries (America, Britain and Canada.) He did seh Argentina, Brazil and Chile.
Yesterday, Rohee tell reportahs that he never hear, he never see or he never know bout any report that Jagdeo use to abuse he wife. He then tell dem gyal when dem point out that de abuse been in de news, that if is true, is a private husband and wife story.
Dem boys want tell he that dem magistrate jail nuff husband fuh that same private story. And dem want he to know that he can try beating he wife, too.
De same Rohee, when dem reportahs ask he last week if he gun run fuh president, he seh that now is not de right time to answer that question. Dem boys want to know if he serious and if he think he can ever be president of Guyana.
He is impossible. De things that does come out he mouth is bare stupidness. And is de same stupidness he pass down to de police force. De other day de Comandah Heineken run down to a yard in Albouystown and tek charge when he hear that de police find nuff thousand spent shell and AK 47 magazine.
People seh that dem same shell been in de yard pun de ground fuh donkey years. Even police use to run in and see dem same shell and lef dem. Dem, boys seh that is a man wid a donkey cart pick dem up from someway fuh melt dem fuh get de copper.
De cart man dead, according to de neighbour and de shell dem lef right deh. Rohee got de police confuse and he also got de people in de lock up. He also got Comandah Heineken looking fuh de cart man in de cemetery fuh a statement.
Talk half and hope Rohee is not de next president or de whole country gun get dotish.
Listen how to run an oil country
May 12, 2024
– GCF yet to respond to concerns regarding race course By Rawle Toney Kaieteur Sports – Some of the country’s leading cyclists are considering boycotting the National Sports...By Anasa Williams Kaieteur News – Millicent Mary Frank was born on May 11, 1924, at Lot 103 Leopold Street, Werk-en-Rust,... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]