Latest update May 12th, 2024 12:59 AM
Feb 05, 2014 Dem Boys Seh, Features / Columnists, News
A King is considered a ruler and is respected by all throughout de land like de King of England or de King of Spain. People know dem to be decent and hanest.
Other parts of de world got kings too but all of dem is not de same. Guyana got couple and dem just plain indecent and dishanest. One of dem been de wukking good in Brazil. She was a big thing until Uncle Donald find out that she actions mek she wuss than a li’l thing.
Is not dem boys seh suh, is Uncle Donald seh that she involve in wrongdoing and he fire she.
Another one name Fred King. He wukking wid culture. De Parliament tell he that he got to put back $35 million wha he and he Minister hide. That money was given to dem to start up some church channel. Is either dem ain’t got church or dem ain’t got channel. King ain’t set up none of de two.
Dem got a King wukking wid de Ministry of Health but she does only deal wid de dead and de paper fuh bun dem. In order fuh get you dead fuh bury, you got to give she a raise, and no ordinary raise. Dem boys ain’t call that dishonest, dem call it facilitatious. That mean that she helping out and at de same time helping she self.
You better give she, because it ain’t mek sense burying de money or bunning it.
We got a King at de Waterfalls paper wukking side by side wid dem boys. He ain’t dishonest but he stupidy.
He just like de mudda who give up she daughta wha kill de lady in Agricola. De police tun up early o’clock at she door and ask she bout de whereabouts of she daughter de night before.
De daughta, when she get arrest, tell de police that she been home de whole night. But like any hanest mother de woman tell de police that she daughter been out ‘bout 10 o’clock de night and she nah know wha time she come home. If she daughta did give she a wink or a heads up of wha she do, de mudda woulda swear that she daughta never lef de home in a whole month.
Is de same thing when thief man get shot. Dey mudda does always seh how dem just been out fuh buy bread or tennis roll.
Not dem boys seh suh. Is dem own family members does tell de media that fuh paint a good picture of dem children and fuh draw sympathy. Talk half and pray fuh all of dem.
Listen how to run an oil country
May 12, 2024
– GCF yet to respond to concerns regarding race course By Rawle Toney Kaieteur Sports – Some of the country’s leading cyclists are considering boycotting the National Sports...By Anasa Williams Kaieteur News – Millicent Mary Frank was born on May 11, 1924, at Lot 103 Leopold Street, Werk-en-Rust,... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]