Latest update May 12th, 2024 12:59 AM
Aug 23, 2011 Dem Boys Seh, Features / Columnists, News
When big people vex wid li’l children dem does tek advantage. Dem does knock dem same li’l children because dem can knock dem. But Guyana is a religious country and dem boys know bout dem bad ruler who try fuh pressure good people.
In de Bible de bad king decide that because Daniel talk de truth he had to dead. De king throw Daniel in de lions’ den. Because of he goodness, Daniel walk out without a scratch. De same thing happen wid King Nebuchadnezzar. He get vex with three boys and he tell he people, who just as wicked as he, to throw dem into a pit of fire.
De fire couldn’t do dem three people nutten and dem walkout just like Daniel.
Now de big ones in GT want fuh persecute some people at de Waterfalls paper fuh talking de truth. Well dem boys seh that dem know de whole country supporting dem just like how de people did support Daniel and dem three people.
Wha crime de people at de Waterfalls paper commit? Dem talk de truth bout de thiefing and de corruption that going on. When de same government people was thiefing li’l bit, dem boys didn’t seh nutten. But de thiefing get overbearing and dem boys talk. Right away dem government people get vex and dem now decide fuh put dem boys in front of de firing squad.
One government man tell he friends how he gun shut down de Waterfalls paper before de elections and fuh do that he gun find something fuh charge dem boys wid. He got Henry de Yellow looking through de law books fuh find about 100 charge. And Henry glad fuh do that because of de story bout dem policeman who guarding drug dealers.
But dem boys seh that dem ain’t frighten. Dem know that de people gun come and support dem in every possible way. If dem got to shut down de whole town dem gun do it, like how Dessy did do it before he dead.
Good does always win and dem boys know that dem good. And dem gun continue to expose de thiefing.
Talk half. Lef half.
Listen how to run an oil country
May 12, 2024
– GCF yet to respond to concerns regarding race course By Rawle Toney Kaieteur Sports – Some of the country’s leading cyclists are considering boycotting the National Sports...By Anasa Williams Kaieteur News – Millicent Mary Frank was born on May 11, 1924, at Lot 103 Leopold Street, Werk-en-Rust,... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]