Latest update August 31st, 2024 12:59 AM
Sep 30, 2017 Dem Boys Seh, Features / Columnists, News
All it tekking is one dead man to show how some people use to run racket when Jagdeo, that scamp, was president. Jagdeo did know about everything. He know wha every single Minister do under him; every perks dem grab.
Everybody know that if a man commit a crime in Guyana and go to any country, he would never get a legal driver’s licence much less a legal firearm licence.
But a man who kill ee wife, end up in a jail in Brazil, kill in de jail and then get away from de same jail and end up in Guyana. De whole Brazil police looking fuh him but Guyana is a God-send to any criminal.
Why you think Jagdeo still in Guyana? De place is a safe haven fuh him. De Brazilian come and change he name. He meet Cement Roti and See-All, pay a big piece as opposed to a small piece, and he get not one gun licence, but more than one.
He had to get a work permit and only Cement Roti coulda grant that. One of de man friend tell dem boys that Cement Roti and See-All use to proppa draw down.
This man get kill in de bush three days ago and as usual when a man dead is everything people does hear.
Dem boys hear Roti and See-All draw down from all dem Brazilians and all dem odda foreigners wha deh in de back dam.
Dem boys checking to see if de man wha get killed get a Guyana passport and who authorize and issue it. Dem know who issue de gun licence, and dem know who issue de work permit.
Wha dem boys want to know is how much foreign criminal deh in Guyana and got work permit and carrying gun. Dem boys did hear that BaiShanLin bring some criminals to Guyana to wuk cheap. Dem deh all over pun all dem projects.
When dem boys talk bout de Chinee prisoners de hembassy people get vex and deny. Dem boys did interview two of dem same workers who seh dem come out of prison and end up in Guyana but when people check pun dem, de two disappear, never to be seen again.
Talk half and hope Soulja Bai clean up Jagdeo mess.
Mineral and oil rich country borrowing to feed, clothe and house its citizens.
Aug 31, 2024
Republic Bank Caribbean Premier League 2024… Kaieteur Sports – Defending champs Guyana Amazon Warriors opened their account with 3-wicket win over the Antigua & Barbuda Falcons during...Kaieteur News – We can find no better example of self-interest masquerading as magnanimity than the recent motion passed... more
By Sir Ronald Sanders Kaieteur News – There is an alarming surge in gun-related violence, particularly among younger... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]