GPL strike. De staff seh that dem wukking and dem can’t get a pay rise although de cost of living gone up. Brazzy is de man controlling de money at GPL and he got to decide how much increase de workers can get.
All through Christmas things go good. De people wuk and dem hardly get blackout. Brazzy and he friends sport at dem house party and people pat Brazzy pun he back. Nobody didn’t expect de strike.
Dem boys seh that is when dem hear that Brazzy offer de people a one per cent pun dem salary and some other top up that dem know wheh de money come from fuh build de Marriott.
But de thing shameful. Imagine that Brazzy couldn’t find eight per cent to pay de people, but he can find US$60 million fuh build a hotel fuh he and he friends. De people right to strike. Dem boys seh that dem should go to he house and disconnect de light suh he can know how ordinary people does feel. But then again, he is a man like hide and do things, so he might find pleasure in de dark.
But as old people seh, whatever do in darkness does come to light. Tek de man pun de West Coast. He trouble de lady pet puppy and is only because she did suspect that she ketch he. She hear he how he groaning and calling out fuh “Ow Pinky.” That is she puppy name. This is de same man who did trouble she goat. She see de goat privates swell and she think was marabunta. He also trouble she fowl because she find that two of dem dead.
Dem boys seh that this man is not de only one who does do dem nastiness. Is just that some of dem ain’t get ketch because dem does drive fancy car suh people wouldn’t suspect. Dem is de people who like darkness.
And is not fuh de want of trying that dem boys ain’t ketch some of dem. Is people like dem does be de last fuh get ketch.
Talk half and watch out wid yuh precious animal dem.
AUBREY NORTON FRIGHTEN RENEGOTIATION AND RING-FENCING
Feb 27, 2024Kaieteur Sports – The Youth Basketball Guyana (YBG) successfully concluded its 5×5 Challenge Series and Shootout competition on Sunday at the National Gymnasium located on Mandela Avenue....
By Sir Ronald Sanders Kaieteur News – When the Foreign Ministers of the world’s wealthiest nations gathered in Brazil... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.