Latest update May 12th, 2024 12:59 AM
Sep 14, 2012 Dem Boys Seh, Features / Columnists, News
All dem holy book seh nuff things. Dem seh good, bad and indifferent things. In some cases some of dem things does confuse mankind. Some of dem does got to get a reminder.
One good book seh that thou shalt not steal and that same book seh that God does provide. He does provide fuh de birds in de sky, de fishes in de sea. One pirate like he read that book, but he didn’t read de part wha seh thou shall not steal because he thief a man engine.
When de man beg he nah fuh tek de engine because he owe de bank for it, de pirate tell he don’t worry wid de bank; God gun provide.
Dem boys hope and dem gun pray that when de magistrate done hand down de sentence that same magistrate gun tell he “Guh in deh, don’t frighten, dem boys gun provide fuh you.”
Dem boys waiting fuh Jagdeo too. He provide fuh dem Bees and Irfaat, Shaatie, Rob Earth and Gerry, and all dem kavakamites. De jail ketch Kerik already and he was a con man. De good book seh forgive yuh brother seventy times seven. That equal to 490. But Jagdeo ain’t got no brother suh none body ain’t deh to forgive him.
After Jagdeo come out of office dem boys was considering fuh forgive he, but when dem check he ain’t do wrang things seventy times seven. He do seventy times seventy. That is 4,900. Now who can forgive a man wid that record?
Talk half and wish dem Hell.
Listen how to run an oil country
May 12, 2024
– GCF yet to respond to concerns regarding race course By Rawle Toney Kaieteur Sports – Some of the country’s leading cyclists are considering boycotting the National Sports...By Anasa Williams Kaieteur News – Millicent Mary Frank was born on May 11, 1924, at Lot 103 Leopold Street, Werk-en-Rust,... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]