Latest update May 13th, 2024 12:59 AM
Jul 22, 2018 Dem Boys Seh, Features / Columnists, News
People does go to dem police station to mek a report and de police always telling dem dat dem ain’t got no vehicle. Nuff people had to push dem hand in dem pocket to pay fuh transportation fuh de police to come to people house to investigate a crime.
Dem had times when dem boys see police borrowing somebody bicycle to check out a crime scene because de station didn’t have vehicle. Thank de Man above fuh de police patrol but heaven help you if de patrol deh at Soesdyke and de crime happen at Eccles.
De Chinee Embassy see wha happening and dem realize dat de Guyana Police Force need help. Besides, de country now got nuff Chinee business and dem criminal could target dem. Dat’s HOW DE Embassy give nuff vehicle and motorcycle.
Dem boys seh is just like if de force ain’t got vehicle. De government deh buying a whole heap and now de Chinee give another set. But nobody don’t cater fuh Guyana policemen. Dem would bruk up anything.
Ramjattan decide dat who crash de vehicle gon pay. Is just like if he she, ‘Crash de vehicle and don’t pay.” Imagine Georgetown got more speed hump than any place in de world. Nobody can’t drive fast. Yet a policeman not only drive fast; he crash and tun over de vehicle.
Dem boys want to know if is de same police does charge people fuh reckless driving. Ram Jattan did mek it a rule dat only people who get special training can drive de vehicle. He don’t know dat once a policeman deh pon de road, like de devil does tek over him.
Suh once again people got to push dem hand in dem pocket to get de police to respond. Of course if is a shooting, de police wouldn’t come till de shooting done and dem sure de gun men gone.
Dem have a group of bicycle police but you does only see dem when dem sheltering from rain. Dem boys don’t know de answer. Soulja Bai contemplating giving dem war tank to drive but everybody know dat and all gon crash.
Talk half and mek sure yuh stop when yuh see a police vehicle coming.
Listen how to run an oil country
May 13, 2024
GCB T10 Blast Semi-finals… Kaieteur Sports – The semi-finals of the GCB T10 Blast will get underway today, barring inclement weather as the final four teams look to book spots in the...Kaieteur News – The PPP is engaging in myth-making in seeking to perpetuate the narrative that it is now an ideologically... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]