Latest update May 14th, 2024 12:59 AM
Oct 25, 2015 Dem Boys Seh, Features / Columnists, News
De police does lock up people when dem ketch de people touting. Nuff minibus tout had to do two wuk, one was to run to get passenger and de other was to run from de police. Many a day some of dem cry how de same money dem collect from touting is de same money dem had to pay in court.
De magistrate use to tell dem tout that dem should look fuh a proper job. Dem boys seh that de magistrate will have to tell more people de same thing. De commissioner and de minister touting dead people fuh dem funeral parlour.
Was a time when people dead funny, like if somebody kill somebody or if de police shoot and kill somebody or if somebody drown, de last place dem had to go was Lyken. If a car knock down a man, was Lyken.
Now Rum Jattan and See-all touting. Dem telling de police fuh go out and hustle dem other funeral parlour.
When dem boys hear de news de first time dem couldn’t believe it. Dem ask a policeman who was directing a dead to another funeral parlour although was a case of a man who get knock down. When dem contact Lyken to ask wha happen de funeral parlour people seh that somebody collecting a kickback and since Lyken don’t kickback, some people moving to see wheh dem can collect a short piece.
Dem boys expect to see de police going to one funeral parlour in de dead of de night and thiefing a body to carry it to another funeral parlour. It gun be a time when de dead get up and walk back to de first parlour wheh it was resting.
And when that happen dem boys want Rum Jattan and See-all to be in de vicinity. Already because Lyken is not a Muslim de parlour can’t get no Muslim dead. That one going to some memorial place in de cemetery.
And de two of dem lucky that Jagdeo didn’t think about touting dead people. Of course he pay he dues but Donald stop de payment and dem boys believe that he wanted something.
Talk half and watch out fuh Rum Jattan and See-all when you family dead.
Listen how to run an oil country
May 14, 2024
– Rugby Union peeved at silence from Government on request for National Park upgrade By Rawle Toney Kaieteur Sports – The Guyana Rugby Football Union (GRFU), under the guidance of its...Kaieteur News – Bharrat Jagdeo needs a refresher to be able to better differentiate between a party’s foundational... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]