Latest update May 13th, 2024 12:59 AM
Nov 23, 2012 Dem Boys Seh, Features / Columnists, News
Dem boys know that Uncle Donald did tape up nuff of dem Minister mouth, but now de Speaker put extra tape pun Rohee mouth. Is a nice thing to talk in Parliament because de place like cricket. Is nuff cheering and noise. People does mek dem maiden speech like when a cricketer mek he maiden hundred or tek he maiden five-wicket haul.
Well Rohee can’t talk fuh now because de Speaker seh suh and de opposition did done plan fuh keep Rohee quiet.
But Rohee is not de only one dem plan fuh shut down. Dem also plan fuh shut down Ash Knee and Brazzy, de man who like get away and go up de Essequibo River. Dem two been tekking de people money wha dem hide away in NICIL and spending it like if is dem own.
Well de parliament silence Rohee and dem trying fuh dry up de money fuh de Marriott. But money done spend and dem boys seh that Brazzy gun claim how he done pay all de money already. He done pay US$10 million, but when push come to shove he gun claim how he pay $100 million.
Dem boys seh that nuff things coming under the spotlight because all dem other things use to be done in secret. When dem sign de Marriott deal, Guyana had to hear through a Jamaica newspaper. When dem decide pun de airport project was Jamaica again. Nutten don’t announce in Guyana till de project sign.
But something cockish was on the cards from de start. De first people who did come to talk ‘bout Marriott open dem mouth and Brazzy dump dem. De people from New Jersey talk and de same thing happen. Now Brazzy decide that he gun tek de people money and build de hotel
Why he couldn’t put that money in some envelope and give de people a Christmas bonus? Because he want all fuh heself and de Bees and Irfaat. If Uncle Donald gun get a cut is a secret, but up to now dem boys believe that Uncle Donald clean.
Talk half and wait fuh de backlash.
Listen how to run an oil country
May 13, 2024
GCB T10 Blast Semi-finals… Kaieteur Sports – The semi-finals of the GCB T10 Blast will get underway today, barring inclement weather as the final four teams look to book spots in the...Kaieteur News – The PPP is engaging in myth-making in seeking to perpetuate the narrative that it is now an ideologically... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]