Latest update May 13th, 2024 12:59 AM
Jun 25, 2011 Dem Boys Seh, Features / Columnists, News
Dem launch a new political party it name APNU. Dem boys seh that when dem see de name dem think was an Indian movie. Dem was a li’l surprise when dem hear that de launching at de Pegasus but dem go because dem didn’t have to pay.
Dem see microphone and things and dem expect de speech before de movie. Is then people tell dem was a political movement.
Dem boys seh that dem see de team and dem know that de people on de team gun have problems campaigning because nuff of dem sick. Dem boys seh that dem see couple wid eye problems and couple wid serious hearing problems.
Now if de campaign ain’t start yet and de people got problems wha gun happen when de real thing start?
Dem boys seh that dem now see why all of dem who now join this new party actually join up. Pun dem own dem can’t attract nobody because by de time dem get to a place fuh campaign de elections done.
But dem have nice words. Dem boys listen to de plan wha dem got. And dem talk how dem is de first Partnership.
Is a frightening thing, though, when a party like de PNC got to team up wid some people who can’t campaign pun dem own. And de thing that really worrying is that de PNC admit dem. Perhaps de PNC really mean that all of dem together gun pee pun people. After all de group name A Pee N U.
Then dem boys got another story pun dem hand. Two gyal get kidnap. Dem surface because is weekend and dem boys know that dem woulda come out.
Dem come out and fuh people who get kidnap dem clean which mean that dem was bathing. Dem clothes clean, dem underwear and dem teeth brush and clean.
Is a strange world.
Talk half. Lef half.
Listen how to run an oil country
May 13, 2024
GCB T10 Blast Semi-finals… Kaieteur Sports – The semi-finals of the GCB T10 Blast will get underway today, barring inclement weather as the final four teams look to book spots in the...Kaieteur News – The PPP is engaging in myth-making in seeking to perpetuate the narrative that it is now an ideologically... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]