Latest update May 14th, 2024 12:59 AM
Apr 14, 2011 Dem Boys Seh, Features / Columnists, News
Airport up fuh sale, parking meter fuh de city
One of de holy book seh something about he who knows and knows not that he knows is a blind man—hold he hand and show he de way. He who don’t know and don’t know that he don’t know is a jackass—get rid of him. Keep him far, shun him.
Dem same book talk bout thiefin. He who thief and know that he is a thief is a man people can put up wid and try fuh change. He who thief li’l bit and now and again should get lock up but he who thiefing nuff, nuff and all de time and don’t plan to stop should be buried alive.
Nuff politicians can’t sleep because dem frighten that people gun bury dem alive fuh dem thiefing habit. Dem have some big, big ones who thief suh much that nobody ain’t richer than dem in de whole region.
Dem boys hope and praying that people would ketch dem, tar dem, feather dem and mek dem walk naked through de streets. And while dem walking dem must shout out de right price fuh dem laptop, dem koker, dem road project, dem bridge, dem stelling, dem land that dem sell to demself and to dem family and dem friends, and dem government buildings that sell to people like Gerry and Sam, Bobby and Eddie, Brian and Anjanie, Manny and Vannie, Robert and Rogert, and Bharat and Rahat.
Dem is de people who does always tell lie suh people got to mek sure that dem telling de truth.
Some of dem thief all de small business from de ordinary man. De other day things get to de stage when some of dem feel shame because dem only drive to de airport and watching it and tunning back.
Dem boys see two of dem pointing to de airport. Is sell dem want sell it. Dem had two surveyor wid dem. One of dem seh that dem hear Bharrat done sell out almost everything. And yet dem ain’t satisfied. Dem suh greedy that dem boys seh that dem plan to put parking meter all over de country. And guess what? Bobby already get de contract fuh de wireless parking meter in de city.
Talk half. Lef half.
Listen how to run an oil country
May 14, 2024
– Rugby Union peeved at silence from Government on request for National Park upgrade By Rawle Toney Kaieteur Sports – The Guyana Rugby Football Union (GRFU), under the guidance of its...Kaieteur News – Bharrat Jagdeo needs a refresher to be able to better differentiate between a party’s foundational... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]