Donald Duck done three years as president and he tell dem boys that he feel like if he ain’t spend a day. That is because he nah do nutten that he could tell he children.
Not one of dem can boast that dem daady do this or do that that dem can be proud of.
Of course he mek de parliament into a rogue, that is wha dem boys seh.
October 5 pass like nutten under he as president. That date mark when de Pee Pee Pee get into power. Every year was a celebration.
Dem use to got de Cheddi Jagan lecture series at Red House and big celebration at Babu Jaan. In de beginning was real celebration because people recognise wha Papa Cheddi do and how honest he was. Dem never had to fetch people wid truck, and tractor and trailer. People use to come pun dem own from all over de country, even Linden.
But slowly as de years go by de celebration dwindle to a point when dem start fetching people wid truck to Babu Jaan. All because of Jagdeo who was de complete opposite of Papa Cheddi. This one was scampish.
Up to when he lef office dem was still fetching in dem sugar estate truck.
Here come Donald Duck; October 5 come and gone and nobody know if de date exist. Dem nah had truck and dem nah had people. Not even Bynoe from Linden show up.
According to de opposition de end is near fuh Donald. Donald tell de nation that election deh near but he nah call no date and de opposition seh call de date; we ready.
Dem boys seh Donald operate like a prostitute. She does promise you a piece but never seh when.
De opposition seh that dem gun deal wid he like a prostitute. Granger want he front and Ramjattan want he back. Guyana gun get a full sandwich when dem done wid he. Dem boys seh suh.
He done three years and he run in bush fuh celebrate because nobody ain’t remember he pun de coastline. He go to Rupununi wheh dem children wear blue and he wear blue like dem. He did want hide among dem.
Wha give he away was when he start sing, “I’ll have a Blue Christmas.”
A policeman singing de same song. He end up wid a thiefing car and tell dem boys how he borrow it in July fuh go to Babu Jaan October 5.
Nobody ain’t show up and that is how he get ketch. Is only he been deh. That is wha you call a real die hard Pee Pee Pee.
Talk half and don’t get a blue Christmas like Donald and da policeman.
Sep 23, 2018By Sean Devers Three-time Champions GCC beat Police by 15 runs in yesterday’s the NBS 40-overs second division semi-final at Bourda to advance to the final against the winner of two-time champions...
During the CPL semi-final, my wife and I were switching channels after each over to escape the onerous banality of seeing... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]