There is an old saying ‘De person who thinks de most of you, says de most of you.’
Bobby Ramroop want to know wheh Glenn Lall get he money from. He check pun Glenn Lall like some woman who got she eye pun a man, and he come up wid all kind of thing.
He find out that Glenn Lall got property in de States; he seh he hear that Glenn Lall sell property in de States; he talk how much Glenn Lall buy de Regent Street property for.
Wha he ain’t talk bout is wheh Jagdeo, who didn’t have money when he tun President—Anil seh suh—get he money from. De same Jagdeo seh that he only had $5 million when he seh he divorce and he wife put in she claim.
Ramroop didn’t seh wheh he best friend Jagdeo get money fuh build he mansion; and wheh he get money even before de mansion, fuh build a house wha he seh he sell fuh US$600,000.
Ramroop who had to borrow money fuh buy a share in New GPC suddenly got money fuh build pharmaceutical company in India, buy a franchise in Caribbean Premier League cricket, and end up wid radio, TV, newspaper and nuff property all across Guyana, just to name a few.
Dem boys promise to give Guyana de list of all he and Jagdeo wealth plus dem kavakamite own too.
And dem boys seh that dem gun release Ramroop tax file wha state that he always recording loss fuh he business and yet he expanding every hour.
Remember that if dem boys didn’t talk, he woulda palm off GCC too.
Whatever Glenn Lall do and how he get he money is no secret and was never a secret. He born in business and grow up in Stabroek Market and de whole world know this.
Ramroop and Jagdeo should tell de nation how dem own all dem things and get de wealth that dem have. He was an ordinary doctor who trained in India.
Khurshid seh that it ain’t hard fuh know if people thief. He tell Uncle Adam suh. He seh that all somebody got to do is check dem salary then check wha dem own.
Rohee seh that Jagdeo mek he money because he save every cent and eat free from New Thriving. Jagdeo had to share some of de New Thriving food wid Ramroop. That is how de two of dem become de richest people in de region.
Dem boys seh that is only time wid dem. De Creatah don’t sleep.
Sep 23, 2018By Sean Devers Three-time Champions GCC beat Police by 15 runs in yesterday’s the NBS 40-overs second division semi-final at Bourda to advance to the final against the winner of two-time champions...
During the CPL semi-final, my wife and I were switching channels after each over to escape the onerous banality of seeing... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]