Latest update May 10th, 2024 12:59 AM
Jul 07, 2014 Dem Boys Seh, Features / Columnists, News
Dem boys know a lot of things. Because dem in de newspaper business people from all walks of life, rich and poor does call dem, send letters, send notes, e-mails, g-mail and even de word-o-mouth mails does come to dem.
For example that’s how dem boys know scampishness and thiefing happening wholesale in Guyana.
Dem see some poor ass government officials become filthy rich overnight. Dem see a president who didn’t even have a bicycle when he tun president; today he live in a mansion and he got expensive properties. But de laws of libel don’t allow dem boys fuh talk dem minds or fuh express how dem scamps get all dem things.
Dem find out a way fuh tell de nation bout dem scamps. Dem boys can’t call dem thieves but dem can seh that dem believe that dem is thieves. Of course de thieves can go to court and dem boys gun get de chance fuh force de scamps to explain de wealth dem got under dem control.
Ramroop deh in that same boat when he carry dem boys to court in New York. He had fuh talk things wha he never expect fuh talk and he got more things to answer to. He never dream that de day woulda come when he woulda confess to dem boys.
Of course, he go suh far fuh ask that wha he disclose be a secret. De judge tell he that is not Jagdeo private money spend fuh buy de drugs. She seh that is de taxpayers dollars and de public got a right to know everything he seh and do in her court.
Imagine nobody in Guyana can get a peep at one of de invoices much less get one in dem hand to see wha he charge de government.
One holler from de Judge Joanie and dem boys not only see one invoice, dem see several. But dem boys believe all is fake.
Dem boys believe Jagdeo give Ramroop exclusive rights to supply de hog of de Ministry budget fuh drugs. Dem boys believe that Ash Knee is a scamp. He compare de Berbice Bridge arrangement to Kaieteur News, a company that is privately-owned. He did also compare de Marriott wid de Hyatt in Trinidad when he try to defend building Marriott in Guyana.
Dem boys did tell he that Trinidad economy is more than four times Guyana and de population deh is almost three times Guyana own.
He is not stupid. Dem boys believe that Jagdeo and Brazzy pack that stupidness in he head.
Talk half and wait fuh hear more answer that Ramroop gun give Judge Joanie.
It is disgusting that our teachers have to protest in the streets for a…
May 10, 2024
– President Ali visits Guyana National Stadium By Rawle Toney Kaieteur Sports – Yesterday, the National Assembly successfully passed the ICC Cricket World Cup West Indies Bill, 2024,...Kaieteur News – This column does not respond to criticisms, except where there is misrepresentation of what was said... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]