Latest update May 6th, 2024 12:59 AM
Jul 05, 2014 Dem Boys Seh, Features / Columnists, News
Dynamic Airways come and promise de moon, de sun and de stars. People start fuh run and buy de tickets because de airline offer cheap tickets. Well dem boys seh that Dynamic Airways not dynamic no more. It chaotic.
Imagine a plane lef to land in New York and landing somewhere else then fetching de people by bus to de New York airport fuh dem family pick dem up. De thing is that when people book to land in New York and dem land somewhere else, is like a man book to fly from New York to Timehri but he plane land in de Pomeroon.
Then de airline put dem in a ballahoo then shuttle dem to Charity and put dem pun some old rickety minibuses and drive to Supenaam into some speedboat to Parika. Then is more bus in you tail till you meet Timehri then you can call you family to pick you up, one day later.
Or de plane can land at Lethem and dem dump you pun a tractor trailer to Timehri. When you meet you meet.
De thing is that this de same Dynamic wha lef Guyana after de fuss flight and land at Atlantic City instead of JFK wha dem ticket seh, jump up de next day and seh that dem want flag carrier status.
Yesterday, de same Dynamic wha asking fuh flag carrier status, lef Georgetown fuh New York and land in Miami. When de passenger start cuss up dem announce that dem run out of Gas.
De flight before that one, land at Connecticut. De passengers cuss up and behave bad. Dem boys seh Dynamic people decide fu drop de ‘G’ from de Gas and add one ‘S’ at de back. That is what dem call de passengers on de flight.
It begin worse, than that. De nation didn’t know till dem land in Atlantic City pun de first flight. That is when dem boys hear that de Dynamic people put a jack in front of de Ass.
Dem boys seh that is only one man coulda mek all this happen and that is Mickey Mouse partner, de one and only Gerry.
Talk half and get rid of Dynamics, de fraudster.
GRA catch EXXON trying to hunch GUYANA over 11 BUS dollars in one shot!!!!
May 06, 2024
(CMC) – West Indies lead selector, Desmond Haynes and white-ball head coach, Daren Sammy, said they were confident that the right squad was selected for the ICC Men’s Twenty20 World Cup next...Peeping Tom… Kaieteur News – In his address to the 32nd Congress of the People’s Progressive Party, Second... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]