Beef nah got bone dog nah got business is a old thing dem people use to seh. Wha dem mean is that if people ain’t interested in something then dem don’t tek it fuh nutten. Well de anti-money laundering Bill is a piece of beef without bone, but de government shoulda tek in de business.
Is now de news coming out. De people meet in de Bahamas and dem tell de whole world how dem did tell Jagdeo that he got to strengthen de anti-money laundering legislation. Was November that dem send and tell he, but Jagdeo ignore dem because he wasn’t running fuh office and besides that, Guyana was preparing fuh election.
But dem boys know why he really didn’t tek heed. He do nothing because he had to protect he friends, since all of dem woulda end up in jail. Poor Donald, he preparing fuh tek de presidency didn’t know ‘bout de November warning and even when he tun president he still didn’t know. Jagdeo hide that report from he in some small file which been at de bottom of de pile.
De people call a meeting and dem tell everybody that dem got to protect demself, and de best way is to watch how dem dealing wid Guyana. “Members are therefore called upon to consider implementing counter measures to protect their financial systems from the ongoing money laundering and terrorist financing risks emanating from Guyana.”
That is wha de anti-money laundering people tell de meeting.
One thing is fuh sure, all of Jagdeo friends gun be travelling wid suitcase and dem suitcase ain’t gun have in clothes. Connect de dots. Now people know why dem bring in de $5,000 note, but Uncle Sam waiting pun dem.
And Gerry got de nerve to talk how he vex. Dem boys seh that he is de only man who plane get thief and end up in Colombia and he go till deh and bring it back. How he find it?
Guyana now like a country that ain’t got shame when is de very leaders who ain’t got shame. Dem boys seh that nuff of dem ain’t care because dem visa done get tek way.
Talk half and see if Donald gun help Guyana this time.
Jan 19, 2020Mavindra Dindyal struck a fine half century to put Georgetown Cricket Club (GCC) in a comfortable position at the close of play on the opening day of the Georgetown Cricket Association/ Noble House...
There are times you can forgive rulers for their obdurate refusal in not wanting to learn from history because of the nature... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]