Latest update May 10th, 2024 12:59 AM
Apr 16, 2013 Dem Boys Seh, Features / Columnists, News
When de plane fall down Saturday afternoon, some people seh that de Man above was sending a message. De statement lef dem boys puzzled because dem know that de plane ain’t got nutten to do wid de government and corruption. Is when a man mention Amaila that dem boys see de whole picture.
De plane was doing some wuk fuh de Amaila project. One man start fuh cry. He holler how de project ain’t gone nowhere and it tek two life already. Imagine wha gun happen when it start.
But of course dem got people who seh that it was an accident but people point to Skeldon wha kill people and it ain’t wukking good up to now.
Dem boys know people who believe that some project got to get blood. That is why some of dem use to kill a fowl cock and drop de blood at de project site. That suppose to keep de spirits happy. Some people did try fuh do that at Skeldon but de white people who was wukking deh didn’t believe suh nobody didn’t try.
Dem boys willing to bet that before de week out de whole Cabinet heading to de Amaila project fuh shed blood because dem know that trouble deh in de air. Dem already kill two sheep at de airport. Dem did kill two fowl cock and three duck when dem was building de Marriott. That is why de only serious thing that happen is two Chinee worker pound dem finger wid a hammer. Nobody ain’t fall off a scaffold.
Dem boys seh that people shouda see wha Jagdeo do when he was building he mansion. He don’t tek chance.
Walter de Wicked now telling dem boys that he ain’t going nowhere near to Amaila till de government lock up Fip because de man creating mischief because he get knock off.
Talk half and look fuh dem sacrifice.
It is disgusting that our teachers have to protest in the streets for a…
May 10, 2024
– President Ali visits Guyana National Stadium By Rawle Toney Kaieteur Sports – Yesterday, the National Assembly successfully passed the ICC Cricket World Cup West Indies Bill, 2024,...Kaieteur News – This column does not respond to criticisms, except where there is misrepresentation of what was said... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]