If Uncle Donald was one of dem he woulda fire de Auditor General. This is de man who notice that nuff funny things going on when it come to de people money. People spend and when dem done, dem go to Parliament to spend more.
Dem boys seh that Bar Rat had de biggest small change account. Just like how a man does put all dem coin one side fuh spend when things go bad, Bar Rat use to put de Lotto money one side fuh spend. And de man was bold. De man mek a big statement that he refuse to put de Lotto money fuh get count.
De man hold on to de money suh tight that dem sports people couldn’t get a cent. Instead, dem had to go and beg dem business people.
Well dem days done. And de same Bar Rat who sue Uncle Freddie who can’t keep he mouth shut, wouldn’t go to court fuh prove that Uncle Freddie libel he. That got to be de biggest joke. Dem boys seh that if a man pelt dem house is dem who got to go and mek a report to de police. And if de man get charge then is dem same boys got to go to court and testify.
Bar Rat sue Freddie but he refuse to face dem lawyer to show how Uncle Freddie libel he. Well de lawyers embarrassing de people who guh fuh represent he and when it done everybody gun talk bout de man who refuse to defend heself.
And while dem talking bout that dem also got to talk bout how dem miss Bar Rat at de opening of Parliament. De man was a past president and he didn’t go to hear Uncle Donald. In fact, it look like if de man disappear. People ain’t seeing him and dem ain’t hearing him.
One man claim how Bar Rat shame and dem boys seh that if he shame then he in good company because nuff people shame fuh wha he do, not only to he wife, but also to de whole country.
Talk half. Lef half.
Sep 22, 2020By Calvin Chapman At just 15-years-old, Forgotten Youth Foundation’s Alesha Jackman is already a Caribbean champion and is on the right track in achieving her dreams of following in the footsteps...
Transparency Institute of Guyana (TIGI) has published a letter on me in the Sunday edition of the Stabroek News. The statement... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]