Latest update May 13th, 2024 12:59 AM
Oct 29, 2011 Dem Boys Seh, Features / Columnists, News
When de elections campaign start was cuss fuh so. Two people get cuss every day. Now de cuss man forget de two people because Moses give he a shock. Imagine at two meeting de man and he colleagues cuss Moses. Dem forget de Waterfalls boss man and Uncle Adam.
Was fun. Even some one-man party decide that dem gun join de fun. Dem mek de Elections Commission cuss. Dem guh wid a list that only dem coulda read. Surujbally get headache and Boodoo get diarrhea.
Now de season start is strange how everybody talking. Dem promising de moon and de stars but as dem boys seh once dem get in is another story.
All dem people who join one party because dem feel dem gun get a big position gun be disappointed. Is a fun thing fuh a man mek a big switch and lef naked when everything done.
And dem boys notice that de people who does buy food in de night getting less and less. Money drying up because people ain’t getting a chance to line up fuh de election money. Dem scrap metal people spot de loophole and dem approach de Big Man fuh an ease. For more reasons than one de Big man decide that he gun free up de trade. He know that is nuff people in de scrap metal trade and all of dem, once dem register, can vote.
Dem meet wide he and tell he that dem gun vote fuh dem other people if he don’t lift de trade. De Big man cuss, then he cry.
Imagine that wid a few days to go to de elections dem people can ship scrap again. But GPL and GT&T and dem church worried. Is dem that does feel it. And dem people who does park dem car at de side of de road got to look out. Dem good car gun get cut up fuh scrap.
Talk half,. Lef half.
Listen how to run an oil country
May 13, 2024
GCB T10 Blast Semi-finals… Kaieteur Sports – The semi-finals of the GCB T10 Blast will get underway today, barring inclement weather as the final four teams look to book spots in the...Kaieteur News – The PPP is engaging in myth-making in seeking to perpetuate the narrative that it is now an ideologically... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]