Latest update March 29th, 2024 12:59 AM
Jul 07, 2011 Dem Boys Seh, Features / Columnists, News
De police trying fuh polish up dem image and dem thief trying fuh mek de police look bad. De fuss thing that happen when de police catch a man and get he to court de man does get a lawyer who does tell de magistrate how police beat he.
Well dem police decide to keep far from dem thief and that is how de security guard at de gas station had to ketch de man who thief de car fuh de police.
De story deh in de Waterfalls paper. He thief a car, run out of gas and drive in de gas station and full up de tank. When time fuh pay he mek he face serious like people mustn’t ask he nutten. That is how de security tun up wid a shotgun wid a more nasty face and stick he up.
He drive in de gas station wid de window wind up like a big boy. He signal wid he two finger fuh $2,000. Is that wha mek de guard suspect something wrang. Nobody gun drive in like a big boy and ask fuh $2,000 gas. And pun top of that de car jerking up going in to de station.
When he thief de car dem boys seh that he wind up de window and tun on de a/c and that is wha done de li’l gas.
Dem boys want fuh know if is not he and he friends thief de lady car and strip it within hours two days ago.
He got fuh get licks. Tuesday night when de police hold he, dem boys seh that he tell dem that he like a/c and he plan fuh order de magistrate whosoever trying he to find a a/c cell in de jail fuh he. And if dem ain’t got, then dem should leh he walk free.
Little do he know that in jail everything gun free up. He gun get a/c that gun mek he tun d/c.
Talk half. Lef half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]