Latest update May 13th, 2024 12:59 AM
Mar 31, 2011 Dem Boys Seh, Features / Columnists, News
Last week See En decide that he gun mek dying more expensive. He decide that dem funeral parlour charging nuff money and he gun open he own wid de promise of free death announcements.
But until he get a parlour he decide that he gun raise de rates fuh de jumbie parade. He decide fuh charge $30 per word. He get vex when people talk bout de increase.
Dem boys seh that he call a big staff meeting de other day fuh talk bout traitors and things like that.
He forget that de people who got to pay de money start fuh talk. He even forget that Rob-bert charging half of that fuh do de same thing.
See En did even plan fuh run sheer jumbie parade pun he TV because he seh that is wheh de money deh. It nuff fuh pay lawyers and things like that but it can’t pay any staff increase.
He even tell dem boys that dem have Ministers who don’t have TV but who got more money than he and he got to ketch up.
Well people decide that dem gun stop dying and see how he gun mek out. Dem want fuh see if he gun hire gunmen fuh kill people suh that he can charge de new rate.
And while he thinking bout raising de rate, people conning everybody. One group go till to St Maarten. Dem get ketch. Dem believe that selling passport is good business.
But dem boys want fuh know wheh dem getting de passport. People in Guyana can’t get and con people can get.
Dem, boys seh that something wrang.
Talk half. Lef half.
Listen how to run an oil country
May 13, 2024
GCB T10 Blast Semi-finals… Kaieteur Sports – The semi-finals of the GCB T10 Blast will get underway today, barring inclement weather as the final four teams look to book spots in the...Kaieteur News – The PPP is engaging in myth-making in seeking to perpetuate the narrative that it is now an ideologically... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]