Dem boys seh… Who want shoot Bharrat?

Jan 12, 2010 News 0

Was confusion yesterday when news come that a man threaten to shoot de President. People want to know if de country gone mad.
De Big market paper report how de man tell Bharrat that if he and all go in he yard he gun shoot him.
Office of de President put out a statement that de man never threaten de President. But de police still charge de man suh dem boys want to know what really happen.
De government statement nevah talk bout de President telling de police to tek way de man gun. It ain’t even mention that de man get charge fuh disorderly behaviour.
But dem boys seh that talk fuh rain and talk fuh sun, a man got de right to defend he property.
However, de man got a well that de government dig in he yard. Is he well. If de government plant a coconut tree in a man yard and de man fence de yard is he coconut tree.
Dem boys waiting to see how de whole story gun play out. Of course, de government can acquire de land but that gun be confusion. De man ain’t name Toolsie Persaud.
Talk half. Lef half.