Latest update May 13th, 2024 12:59 AM
May 18, 2015 Dem Boys Seh, Features / Columnists, News
Old people got a saying, when you see a rat running fuh jump off a ship, you run behind it. It is sinking. Plenty people do wha dem rat do. From de time dem hear de announcement that Donald ship get a li’l hole, dem start jump off.
Dem boys seh that dem behave like dogs. If you got a bone and throw it leh de dawg see, it gun run away and lef he massa fuh that bone. That is de nature of some of de people living in this country, especially dem kantractah.
One of dem who use to walk behind Ramotar and run behind Jagdeo everywhere dem too went, keep party fuh dem and provide free transportation fuh dem, give floodlight here, floodlight there, floodlight everywhere, announce how he love Soulja Bai de same day he tek over.
This kantractah seh that Soulja Bai is a man of ee heart, not even he wife and pickney dem could match that. Dem boys seh that he behave like a prostitute who go pun one ship mekking money and soon as dem sailor bruck and another ship moor, dem jump and gone on it.
Dem boys hear that some of dem planning fuh jump country. If dem think that gun help dem, dem lie. Dem got fuh think again because de Soulja Bai seh “We gun find dem, bring dem back, try dem and if dem do de crime dem got to do de time.”
Nuff people call de Waterfalls paper when dem read that de second part of de interview wid Soulja Bai coming out de next day.
Dem want know if he mention any name. A fat crook call three lawyers to find out when dem come fuh ee if dem gun represent him. Dem boys couldn’t stop laughing when dem hear.
Nuff of dem not sleeping because sleeping pill not wukking. Jagdeo put people fuh call de Waterfalls boss man fuh find out if Babbie name de pun de list.
De boss man tell dem that Babbie is de number one pun de list. When de man who call hear that, he tun and tell de boss man how Babbie might skip de country to live in India wheh he set up a factory.
De man seh that Babbie can’t live in de States wha got extradition.
Who is number two? De Waterfalls boss man gun tell dem tomorrow.
Talk half and hope Babbie mek enough sleeping pills fuh he friends and all who can’t sleep.
Listen how to run an oil country
May 13, 2024
GCB T10 Blast Semi-finals… Kaieteur Sports – The semi-finals of the GCB T10 Blast will get underway today, barring inclement weather as the final four teams look to book spots in the...Kaieteur News – The PPP is engaging in myth-making in seeking to perpetuate the narrative that it is now an ideologically... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]