Latest update May 14th, 2024 12:59 AM
May 05, 2013 Dem Boys Seh, Features / Columnists, News
Everything in Guyana got to end in confusion. A nice girl win an international pageant. She is de first Guyanese to win that pageant and in keeping wid tradition, she was suppose to crown de next queen. But of course she come from Guyana. De people who hold de franchise get vex wid she because she talk how de franchise holder sister pose as de winner.
Dem boys hear that she did want some Bollywood role. Anyhow, de real queen talk and that start a whole story. Now dem get sued and dem got to find nuff money if dem lose de case.
Dem had confusion when de budget get presented in parliament. De opposition chop off a big piece and cause nuff confusion. Donald now telling everybody that he gun get back de money that de opposition cut.
If dem boys think that de confusion did done deh dem lie. Dem had big confusion at de US Ambassador house. Ah Kneel mouth slip. He seh de right thing but that and all cause confusion.
After de Ambassador and some others suggest that de government do de right thing and check dem radio frequencies that it give out.
Ah Kneel tell de same gathering that Guyana got press freedom and he talk bout how radio can be dangerous in certain people hand. He talk bout Rwanda. Right away dem boys wonder who in Guyana can start a war using radio like wha some people do in Rwanda.
One man seh that dem same people who get de nuff frequency is de ones that people got to worry about because dem can reach de whole country. Nobody else ain’t got that scope.
Then he seh that even if de wrang method was used, Guyana still got press freedom. Well that is de comment that start de confusion. He wasn’t supposed to even suggest that something wrang.
De water from de Atlantic cause confusion de other day and de Town Clerk and de Mayor in big confusion.
Dem boys fed up. All dem can seh is that Guyana never out of confusion.
Talk half and think bout dem other confusion.
Listen how to run an oil country
May 14, 2024
– Rugby Union peeved at silence from Government on request for National Park upgrade By Rawle Toney Kaieteur Sports – The Guyana Rugby Football Union (GRFU), under the guidance of its...Kaieteur News – Bharrat Jagdeo needs a refresher to be able to better differentiate between a party’s foundational... more
By Sir Ronald Sanders Is it ever justifiable for journalism to fan the flames of geopolitical tension? This question arises... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]