Latest update May 6th, 2024 12:59 AM
Dec 01, 2014 Dem Boys Seh, Features / Columnists, News
When people tell one lie dem does got to tell nuff others because dem does forget the first lie. De fat crook tell suh much lie that whenever he open he mouth he got to wonder if is another lie he telling. He start off wid Fip. He claim how Fip had experience building road. When dem boys back he up he claim how he got de evidence and he gun produce it. He never produce de evidence but he produce Fip.
He tell people how he do due diligence fuh de Amaila Falls hydro project. When dem boys ask he fuh spell due diligence he claim how he never seh suh, that is Jagdeo tell he fuh seh suh.
When dem was building de Marriott he tell everybody how private people gun put half de money and how de government gun put a portion. He lie and he know he was telling lie. Dem boys keep asking he when de private people gun put in de money and he seh soon. When dem boys ask when is soon he seh last year December.
De fat crook even get Donald Lamatar fuh lie. Poor Donald didn’t know nutten suh he was talking after other people. Like a parrot, wha other people seh that is wha he was repeating.
December come and gone and another one come and still no private people ain’t put no money in de Marriott. But to cover de lie he pawn de hotel. He didn’t expect dem boys fuh know but in this country, when you dealing wid foreign people, especially when you want borrow money from dem, you got to do it public.
De pawning advertise in de Official Gazette and that is how dem boys know. Well de fat crook got to explain when dem boys ketch up wid he.
Dem boys know from de start that is dem rich Bees in Guyana put money in de hotel and de money from de pawn deal gun go back to some of dem. De fat crook now expect that de hotel gun pay back de bank wheh dem pawn de hotel.
But de Creatah don’t sleep. And old people always seh that wha do in darkness does come to light.
Talk half and watch how dem gun panic.
GRA catch EXXON trying to hunch GUYANA over 11 BUS dollars in one shot!!!!
May 06, 2024
(CMC) – West Indies lead selector, Desmond Haynes and white-ball head coach, Daren Sammy, said they were confident that the right squad was selected for the ICC Men’s Twenty20 World Cup next...Peeping Tom… Kaieteur News – In his address to the 32nd Congress of the People’s Progressive Party, Second... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]