Latest update May 10th, 2024 12:59 AM
Aug 14, 2014 Dem Boys Seh, Features / Columnists, News
De whole world look like if it gun change. There is a fighting group in middle east calling demself ISIS
Dem mek a big promise and Uncle Sam tekking note. In ah bold statement read by one of its members dem seh that it gun mek all Europe and the Uncle Sam Islamic states and very soon dem gun fly de flag in de White House.
Dem boys seh that the threat is clear and people believe that dem gun see 9-11 again. Guyana ain’t got ISIS but it got China. China come in easy. Dem Chinee ketch Jagdeo and show he money. He go and borrow fuh Skeldon. That factory ain’t wukking good up to now and it at de stage wheh GuySuCo now decide fuh go back to de old factory.
Then dem same Chinee people come wid laptop. Guyana decide to buy 90,000 wid de people money and dem Chinee throw in couple laptop fuh sweeten de deal. All this time dem had dem eye pun other things.
Dem fatten dem eye pun Eye-thuni. Right away dem boys seh that dem understand and dem can sympathise. Is when dem land pun Kack-wani that nuff people get worried. Dem know wha people seh bout Chinee. Dats why dem grabbing up all dem big big wood. Just like how ISIS plan to fly dem flag staff from de White House de Chiney gun fly dem own in our Parliament buildings.
De stage was set and Rohee know because he is de man who set de stage when he either sell or give visa or passport to all dem Chinee who come to Guyana. Nuff of dem travel to Uncle Sam and when dem present dem passport de immigration officer had to get help because dem can’t talk English and everybody know that Guyanese does speak English.
De same Rohee who seh that dem boys start fuh talk bout Bai Shaan because dem probably beg fuh something and dem ain’t get, must tell dem boys wha he beg for and who he share wid. If he sell passport he must seh how much he sell for and wha he do wid de money.
He ain’t de only one who trying fuh defend Bai Shaan. De boy, Philip By-yes is de other one. He now talking that Bai Shaan get all de blame when dem got other Chinee who cutting nuff wood and shipping to China. Dem boys want to know if he get pay and how much.
And all of a sudden de forestry people mekking video and tekking out whole page ad. If dem boys didn’t start talking nobody woulda seh nutten. People woulda never know that is nuff Chinee in Guyana chopping down de forest.
Is a case of mouth open and story jump out.
Talk half and wait fuh more story fuh come out.
It is disgusting that our teachers have to protest in the streets for a…
May 10, 2024
– President Ali visits Guyana National Stadium By Rawle Toney Kaieteur Sports – Yesterday, the National Assembly successfully passed the ICC Cricket World Cup West Indies Bill, 2024,...Kaieteur News – This column does not respond to criticisms, except where there is misrepresentation of what was said... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]