Latest update May 6th, 2024 12:59 AM
Apr 30, 2014 Dem Boys Seh, Features / Columnists, News
All government like to collect taxes while most business people don’t like to pay. Bobby and Boyah never pay and dem boys peep dem files in de tax man office yesterday.
Gerry and Brazzy is two of a kind. Dem does tell people that dem pay and dem boys got to pull dem files.
One year Cliffy, de big man from de beer company, Banks, not de other one who sue de Waterfalls paper, get more vex than Freddie.
Cliffy get suh vex that ee tell de shareholders that de Lord does give and de Lord does tek but that Jagdeo government use to only tek. Dem tek everything, even down to some people shorts.
Jagdeo try fuh lef Freddie naked. He send de tax man behind Freddie and mek he pay all de tax dem got in an out de books. Freddie even pay tax pun de toilet paper wha he done use and pun de set he got pack up in he cupboard.
Jagdeo never like anybody who criticize him. He go after plenty people and silence dem. He try wid Chris Ram, de Waterfalls boss man and Ramjattan among others, and dem look at he and tell he “Bring it on.”
Is strange how scamps and felons does attach demself to Jagdeo. Kerik come and woulda gone wid Rohee wuk except de US embassy skin he up two days before Jagdeo appoint him.
De way Jagdeo was carrying on by now Kerik woulda been General Secretary of de Pee Pee Pee.
Ed is another one who become Jagdeo man of business till de Feds hold him. Now dem got a lawyer who get kick out fuh hustling people money in de States. De man come home and right away Jagdeo give him big wuk.
This man come in quiet and dem boys want to know who else come in after dem doing dutty wuk outside. Dem boys hear bout some See Lee who going home just now because he deh on he last lap.
This lawyer deh wukking in a big office wha dealing wid money transfer. Dem boys wonder wha happen, wha he must have done, or wha he planning to do.
Dem boys seh that dem sorry fuh Donald who got to put up wid all this.
Talk half and tell dem boys wheh to find de rest of scamps.
GRA catch EXXON trying to hunch GUYANA over 11 BUS dollars in one shot!!!!
May 06, 2024
(CMC) – West Indies lead selector, Desmond Haynes and white-ball head coach, Daren Sammy, said they were confident that the right squad was selected for the ICC Men’s Twenty20 World Cup next...Peeping Tom… Kaieteur News – In his address to the 32nd Congress of the People’s Progressive Party, Second... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]