Latest update May 6th, 2024 12:59 AM
Dec 15, 2014 Dem Boys Seh, Features / Columnists, News
Christmas coming and dis is de season fuh dem Christmas party. Before Jagdeo tun president, all dem Ministry use to have dem own party. Dem use to invite de whole staff and dem use to mek presentations to de best worker fuh de year. But de thing use to cost money; suh when Jagdeo tun president he stop dem Christmas party fuh save money.
One year he get Ohh Pee fuh keep one party fuh all dem Ministry. Is only he and some friends tun up. Dis year he get invite to all dem party, again. Of course, dem boys seh that is only those parties and de one Gerry got that he gun get invite to, till Old Year’s Night.
De Waterfalls paper now know why he wanted to save money. At first, couple Ministry use to join and hold dem party; then dem stop. Some Ministry still keeping individual party and it was not surprising that some of dem Minister was Jagdeo friends.
This year Rob de Earth got a party and dem boys seh that is de gold people who sponsoring it. Everybody know that Rob de Earth controlling de gold mining and dem boys seh that is he mek de price drop. He play smart and he stock up. Was while he stocking up dat he end up wid gold that he buy dear and now got to sell cheap.
Berry Berry got a party too and dem boys seh that is a man who get de most benefit sponsoring that.
This man just had to sit down and de cheques use to fall in he lap. Is some of dem cheques that he using to sponsor de party. And it is this that people talking how thief from thief mek de Creatah laugh.
De people who planning de party jacking up de price fuh everything. In de end somebody gun pay four times more fuh de whole party. Drinks dat dem don’t drink when dem deh home or when dem buying is wha dem order. And de devil best friend ain’t really care because is not he money anyhow.
And while all this going on, Donald Duck singing Christmas carol.
Talk half and check out de government Christmas party.
GRA catch EXXON trying to hunch GUYANA over 11 BUS dollars in one shot!!!!
May 06, 2024
(CMC) – West Indies lead selector, Desmond Haynes and white-ball head coach, Daren Sammy, said they were confident that the right squad was selected for the ICC Men’s Twenty20 World Cup next...Peeping Tom… Kaieteur News – In his address to the 32nd Congress of the People’s Progressive Party, Second... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]