Latest update April 26th, 2024 12:59 AM
Nov 25, 2009 Dem Boys Seh, Features / Columnists, News
Dem boys seh that once you tender and you and de people who opening de tender is friend you is a contractor. Even if you can’t read a ruler, you is still a contractor.
Dem boys seh that is so de people over de river select a contractor to build a road in Stewartville. Whoever train de man teach he to spread tar and de road done. When de people holler de regional people intervene and mek de contractor put on crusher run before dem put de tar.
Dem boys seh that de contractor get vex because it cut into he profits. He did plan to tek de money and run.
Well de road bruck up and six months ain’t done. And to mek matters worse de contractor announce that he done wid road wuk. Now wha he do wid de road building equipment?
Dem boys seh that de government don’t give contract unless you got equipment. Fuh this man to done wid road construction mean that he never had equipment but he still get de contract.
Now he claim that he building house. Dem boys want to know who house he gun build although dem know that he can always get a contract to build a school or a police station. But dem boys also notice something. While de government giving contract, de same government breaking down people place. Dem boys seh that is a plan to create more jobs fuh dem contractor.
But wid all de contract dem boys want to know how de plane service fail in dem days. Wid all dem contract, this woulda been a good time fuh local aircraft. Bharrat who travelling so steady would provide enough money to keep it afloat.
Talk half. Lef half.
Jagdeo giving Exxon 102 cent to collect 2 cent.
Apr 26, 2024
– PC and Dolphin to battle for 3rd place spot Kaieteur Sports – Chase’s Academic Foundation and Waramuri Primary Top secured their spots in the 2024 Petra/Milo Schools Under-18 football...Kaieteur News – As the clock ticks towards the culmination of the International Decade for People of African Descent,... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]