Two Trials, Plenty Errors

Jan 22, 2025 Dem Boys Seh, Features / Columnists

Dem Boys Seh…

Kaieteur News- Dem boys seh cricket in dis country tekking more hits dan a tuk-tuk on de East Bank road. Fuh months now we had bright sunshine, de kind ah weather perfect fuh cricket. But wha dem Cricket Board boys decide? Two li’l trial matches. Not three, not four, not even two-and-a-half. Just two! It mek you wonder if dem think cricket is a lottery and de team does pick itself.

Dem boys seh if you blink, you miss de trial matches. Young players who been sweating and dreaming fuh years? Dem get bowl out before dem even tek guard. It’s a travesty, man!

Wha dem boys seh last year? Was not much different. It’s like dem treating cricket like one ah dem old cassette players—press repeat and leh it play de same tune every year.

Guyana cricket need a real shake-up, not dem lil two-match window dressing. Wha de Board doing all dem months we had sunshine? Too little first division and other senior cricket being played. We going into a major tournament and we players rusty from lack of match practice. Meanwhile, de young cricketers looking in from outside, like school pickney waiting fuh a late bus.

Dem get rob by the lack of opportunities to make runs and tek wickets to impress de selectors. Imagine you dreaming big, hoping fuh a chance fuh mek de national team, and dem turn up wid a two-match trails. Is not cricket dem playing—dis is a game of musical chairs, and de music done before de youth even reach de field.

Dem boys seh cricket in Guyana need more than an overhaul. It need somebody wid vision and organization. It need more cricket to be played so as to give players a chance and to find the best. If cricket was a crop, dem boys seh Guyana done harvest it bad and leave de field barren.

But don’t worry. Next year, dem guh still call two trial matches, pick almost de same team, and act like dey doing we a favor. Until den, dem boys seh dem young players bettah start playing dominoes. At least dey might get pick fuh something.

Latest News

Two Trials, Plenty Errors

Dem Boys Seh…

Discover more from Kaieteur News

Similar Articles

Listen to the The Glenn Lall Show

Follow on Tik Tok @Glennlall

THE BLUNT OF THE DAY

Sports

Ming and Ten-Pow headline MPS Kart Revival at Thomas Lands

VIEW ALL SPORTS

Features/Columnists

The U.S. has been known to lack solid evidence

Sir. Ronald Sanders

The Cost of Silence: How the OAS is Undermining its Own Relevance

The GHK Lall Column

Tis the week of Judas

Publisher’s Note

Weekend Cartoon

Bridge Watch

> Berbice Bridge […]