Latest update January 26th, 2025 8:00 AM
Jan 11, 2025 Dem Boys Seh, Features / Columnists
Kaieteur News- Dem boys bin pass one of dem fancy speed meter signs wah de guvament put up fuh tell drivers how fas’ dem speeding. De sign seh, “You going 46!” But when dem boys peep pon dem dashboard, it seh 60 km/h. Wah really going on hey?
Dem boys start fuh wonder if dem sign calibrate in miles per hour instead ah kilometers per hour. One man seh, “Well bai, maybe de sign import from America, suh it got de American style!” Another one seh, “Nah man, it nah de sign. Maybe de car wrong.” But if all de cars wrong and only de sign right, wha dat seh bout we roads?
Dem boys seh de sign tekkin sport wid drivers. One man flying down de road, de sign flash “30 km/h” like he cruising slow. Another man crawling like he tekking pension, de sign holler “120 km/h!” Is like de sign got a mind of it own!
Dem boys laugh till dem belly cramp. “Is wah guvament really up to? Dem want fuh mek we stop speeding or mek we stop trusting we own eyes?” A man seh he does feel like he in one video game. When he see de wrong speed, he does waan accelerate just fuh test how much faster he can mek de sign go.
Dem boys seh if guvament serious, dem shoulda calibrate de sign fuh read de truth. Or at least mek de sign seh something useful like, “Watch de pothole ahead” or “Time fuh a bit gas!” Instead, dem sign got drivers scratching dem head, wondering if dem need glasses or a mechanic.
One man seh he pass de sign, it seh “Relax.” De man slow down. But when he check, he wasn’t speeding in de fuss place! Dem boys seh, maybe de sign know something we nah know. Maybe it just warning we, not bout speeding, but bout de stress ah driving in dis place.
Dem boys seh, next time yuh see one, tek a picture. At least de sign good fuh one thing—giving yuh a reason fuh laugh.
Talk half. Leff half.
(Dem signs need calibrating)
Jan 26, 2025
By Rawle Toney in Suriname (Compliments: National Sports Commission) Kaieteur Sports- After a tough 86-54 loss to host nation Suriname on Friday evening at the Ismay Van Wilgen Sports Hall,...Peeping Tom… Kaieteur News- Bharrat Jagdeo, Vice President of Guyana, is a man who revels in the art of evasion. He... more
Antiguan Barbudan Ambassador to the United States, Sir Ronald Sanders By Sir Ronald Sanders Kaieteur News- The upcoming election... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]