Latest update March 26th, 2025 6:54 AM
Dec 18, 2024 Dem Boys Seh, Features / Columnists
Kaieteur News-Deh gat some of we leaders so arrogant that even animals can’t tek them. It remind dem boys of de time when de PNCR, de AFC, and de PPP seh dem gun go pun a hike to promote more unity between demself. Whole day dem walk, till night ketch dem, and de hotel weh dem bin see pun de map disappear like some people campaign promises.
Dem end up by a farmer house and beg fuh spend de night. De farmer seh, “No problem, but me only got space fuh two in de small room. One ah y’all gun haffi sleep in de animal pen outside.”
De AFC seh, “Me humble bad. Me nah need no fancy room. Me gun tek de pen.”
De PNCR and de PPP start settle in nice when dem hear a knock pun de door. Is de AFC. He seh, “Bai, me sorry, but de pen got a horse, and me nah able fuh sleep wid such an animal.”
De PNCR seh, “No worries, me gun tek de pen.”
De AFC and de PPP start relax when dem hear another knock. Is de PNCR. He seh, “Man, de pen got a pig, and me nah able fuh deal wid de filth.”
De PPP seh, “Lemme show y’all how a real leader does sacrifice. Me gun go in de pen.”
De PNCR and de AFC finally think dem settle in good when another knock come pun de door. When dem open it, who deh standing outside? De horse and de pig!
Talk half. Leff half
(De road to national unity)
(De road to national unity)
Mar 26, 2025
Canje Secondary and Tutorial Academy sores victories Kaieteur Sports- Two schools scored victories when the Rotary Club of New Amsterdam (RCNA) Childhood Obesity Prevention tape ball Inter...Peeping Tom… The President of Guyana’s response, regarding today’s planned talks with the United States Secretary... more
By Sir Ronald Sanders For decades, many Caribbean nations have grappled with dependence on a small number of powerful countries... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]