Latest update April 1st, 2025 5:37 PM
Aug 17, 2024 Dem Boys Seh, Features / Columnists, News
Kaieteur News – Dem Boys Seh when yuh think yuh hear it all, de Vee Pee does come out and mek yuh scratch yuh head. He seh Exxon usin’ equity and retained earnings fuh invest in Guyana. Now, deh’s where things get funny. Yuh see, de company dat doing de investing in Guyana is a subsidiary. Yes, is Esso Petroleum, not ExxonMobil directly.
Suh dem boys wanna know, where de equity really coming from? Is it Esso, or is it de big boss, Exxon? And if it is de parent company, does dat mean Exxon advancing de equity without no interest? Dat soundin’ too good to be true.
Den de Vee Pee talk ‘bout rate of return on dis equity investment. But how can yuh get a rate of return when yuh sharing profits 50-50? Last time we check, 50-50 mean everybody get half, no extra.
Dis thing gettin’ real confusing. One minute, de Vee Pee seh one thing, next minute, de facts ain’t adding up. Dem boys nah too sure if he even understand wha he talkin’ ‘bout.
Wha dem boys sure of is dis—if de big ExxonMobil advancing money to lil Esso without interest, den Exxon gotta be de most generous company in de world. And if dem getting a rate of return on top of dat, well, dem boys seh Guyana might as well start printing its own money, ‘cause nutten makin’ sense no more.
But hey, dis is Guyana, where oil money flowin’ and common sense drownin’. De Vee Pee seh it, suh it must be true, right? Dem boys seh if yuh believe dat, yuh might believe de moon made of cheese too.
Talk half. Leff half!
Apr 01, 2025
By Samuel Whyte In preparation for the upcoming U19 inter County cricket Competition the Berbice Cricket Board (BCB) will today commence their inter club U19 cricket competition. The competition will...Peeping Tom… Kaieteur News- I once thought Freedom of Information meant you could, well, access information freely.... more
By Sir Ronald Sanders Kaieteur News- Recent media stories have suggested that King Charles III could “invite” the United... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]