Latest update April 2nd, 2025 8:00 AM

Guyana's largest selling daily and New York's most popular weekly

Latest News

De Wedding Cash Dash

Jul 12, 2024 Dem Boys Seh, Features / Columnists, News

Kaieteur News – Back in de day, every home used to boast a fancy China Set, like a shrine fuh de tableware gods. Dem plates, cups, saucers, mugs, and glasses used to sit pretty, never see a meal in dem lifetime. Just decoration fuh de show-off crew. And when yuh get married, yuh get enough kitchenware fuh open a lil shop—plates, glass sets, cups, mugs.

If yuh lucky, yuh father-in-law might even throw in two cows and a sheep fuh dowry.

But now, dem days gone. De new generation ain’t want no plates and mugs; dem want flat screens and iPhones. When yuh get invite to wedding now, yuh does get a fancy Gift List with items more expensive than yuh month’s salary.

Dem wah nah gat Gift List does tell you dem prefer cash. And yuh best bring it in an envelope because dem young couples dem want hard currency.

Dem boys seh at de wedding, dem does got a collection box fuh de cash envelopes. Some weddings even need a security guard to watch de box. Imagine yuh walking in with yuh lil envelope, and de first thing yuh see is a big, burly watchman staring yuh down. At some of these weddings, dem people dropping cheques because dem scared somebody gon tief de cash.

If yuh is an average couple most of de cash yuh collect can’t even cover de honeymoon. But deh gat some people, dem nah average.  Dem gat rich friends and family who generous. Dem does get nuff envelopes and does end up end up with enough to buy a piece of land or pay off dem loan.

Dem boys seh if yuh in debt,  nah worry about de bank loans. Just find a partner, tie de knot, and tell everybody cash only. No plates, no mugs, no toasters. Just crisp, clean bills.

De new wedding trend is cash dash, and if yuh play yuh cards right, yuh might just come out richer on de other side. Cash is king, and weddings is de new bank. Who needs a loan when yuh can get married?

Talk half. Leff half.

Similar Articles

The Glenn Lall Show|| March, 31st, 2025

Follow on Tik Tok @Glennlall

 

THE BLUNT OF THE DAY

Sports

Szeplaki wins LGC/ STP Investments Inc. Golf tournament

Szeplaki wins LGC/ STP Investments Inc. Golf tournament

Apr 02, 2025

Kaieteur Sports- Golfer Joseph Szeplaki was crowned winner of the Lusignan Golf Club (LGC)/ STP Investments Inc. Tournament held on Saturday March 30, 2025 at their East Coast Demerara (ECD)-based...
Read More
GBA Youth, Junior & Under-16 Boxing Tournament set for Saturday at ‘Six Head’ Lewis Gym in Albouystown

GBA Youth, Junior & Under-16 Boxing...

Apr 02, 2025

GBA recognises donation of Badminton gear to QC Academy

GBA recognises donation of Badminton gear to QC...

Apr 02, 2025

Exciting restart of the East Bank Football Association Boys’ U14 League

Exciting restart of the East Bank Football...

Apr 02, 2025

“Easily one of the worst decisions ever made!”- Bravo blasts decision to remove Powell from West Indies T20I Captaincy

“Easily one of the worst decisions ever...

Apr 02, 2025

Harpy Eagles faces toughest challenge yet, as battle versus star-studded Hurricanes bowls off today

Harpy Eagles faces toughest challenge yet, as...

Apr 02, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]