Indiscipline on the roads is a sign of bad manners!

Mar 26, 2025 Dem Boys Seh, Features / Columnists

Dem Boys Seh…

Kaieteur News- Dem boys seh driving in Guyana is craziness. Every day, same story. Same lawlessness. Same foolishness.

University of Guyana Access Road? That ain’t no road, bai. That’s a battleground! Every morning, drivers line up like good lil schoolchildren, waiting fuh de traffic light. But then yuh get de special kind—audacious, impatient, and apparently allergic to rules. Instead of joining de line, dem does take de opposite lane, flying past like dem got diplomatic immunity. And de best part? When dem reach de front, dem expect de same people who follow de law to let dem squeeze in. Is like watching a pickpocket rob yuh and then ask fuh bus fare.

But UG Road ain’t de only place fuh dis. Go pon Middle Street, where de westbound traffic heading to Camp Street does play de same game.

Then we have the practice on the East Bank Public Road and the East Coast Public Road where motorists does be creating third lanes, fourth lanes, maybe even invisible lanes only dem could see. Meanwhile, cycle lanes get used fuh overtaking, because apparently bicycle paint on de road mean ‘Express Lane fuh Lawless Drivers.’

And wha de traffic authorities doing? Well, dem got cameras. Fancy, high-tech, watching-all kinda cameras. But dem cameras is just like dem streetlights—deh there, but useless. Dem boys seh is like we traffic police treating de problem like some kinda NASA experiment. Maybe dem waiting fuh somebody to come explain how to enforce traffic laws.

Lemme tell yuh, Guyana don’t need space-age technology fuh stop dis nonsense. All it need is to put some police of traffic wardens at de place where de violations does tek place, during peak hours, and the practice will stop. But like so much else in dis country, simple things does become rocket science and is subject to indiscipline.

If we can’t fix that, what else can we fix?

Talk half. Leff half.

Discover more from Kaieteur News

Subscribe to get the latest posts sent to your email.

Latest News

Indiscipline on the roads is a sign of bad manners!

Dem Boys Seh…

Discover more from Kaieteur News

Similar Articles

Listen to the The Glenn Lall Show

Follow on Tik Tok @Glennlall

THE BLUNT OF THE DAY

Sports

CWI confirms fast bowler management plans ahead of busy international...

VIEW ALL SPORTS

Features/Columnists

The PNCR and City Hall should be rejoicing

Sir. Ronald Sanders

War in Iran, Pain in the Caribbean

The GHK Lall Column

Longtail – the sting in the scorpion’s tail

Publisher’s Note

Weekend Cartoon

Bridge Watch

> Berbice Bridge […]