Latest update April 19th, 2024 12:59 AM
Feb 10, 2023 Dem Boys Seh, Features / Columnists, News
Dem Boys Seh…
Kaieteur News – Is nuff road building in de country. De Budget mek roll-over provision fuh roads. Dat is why some people calling it a rollover Budget.
Yuh does know when elections around de corner when yuh see government building nuff roads in dem communities. Dem does call it ‘peaking’.
De government did peak too early fuh local government elections. Dem bin hoping it would have been in March. So dem start dem road- building campaign early. But de Opposition nah want local government elections. Dem running a divided house and dem nah certain after wah happen in 2020 whether dem gan able to attract de financing fuh dem campaign.
But it look as if local government elections back on de cards. And therefore all dem roads wah nah complete gat fuh complete by de end of May.
De government did not tekking chance when dem thought de elections would have been in March dis year. Dem nah waiting pon bitumen. Dem building nuff roads in cement. Dem boys glad because it does create a stronger foundation.
If plenty foundation gat fuh build and dem need nuff contractors. But wah get dem boys tickled is de amount of new contractors wah emerging. People wah never even hold a spade forming construction company. Some of dem winning government contract and dem getting other contractors fuh do de wuk while dem drawing down a handsome profit.
It now easy fuh any and everybody become a contractor. People leffing dem good wuk fuh go and build road. Even though nuff of dem nah know de difference between gravel and crusher run.
Talk half. Leff half!
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]