Latest update April 19th, 2024 12:59 AM
Feb 04, 2023 Dem Boys Seh, Features / Columnists, News
Dem Boys Seh…
Kaieteur News – Since Irfaan share out dis disability grant all kind of schemers coming out of de woodwork. Some people determined fuh get de $100,000 wah sharing out as de disability grant.
Wan man claim how he disabled. Dem boys surprise at dat because de man walking, talking and seeing good. So dem boys ask he how he disabled. He tell dem boys if dem nah see he gat cockeye.
So dem boys ask he if de eye affecting how he seeing. He tell dem boys, “ No.” So dem boys had to tell he dat he nah disabled is just dat he eyes nah de same as nuff people. But de man get vex and seh how he disabled because he gat cockeye.
So dem boys wan know if yuh gat tied-tongue if yuh disabled. And if yuh born with funny elbow, if yuh disabled or if yuh gat knack knee or bow foot, like you know who, if yuh disabled.
Dem boys had to remind de man dat de grant is fuh children and nat fuh adults. Dem boys waiting fuh see if some big men gan turn child just fuh get de grant.
It mek dem boys remember de man wah turn up and claim how he is a fisherman and he name nah get pon no list fuh get help. Dem boys ask he wah kind of fisherman he was, he tell dem he does throw cast net.
But dat is Guyana fuh you. No tricks no living. De smarter de government, de wiser de population.
Talk half. Leff half!
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]