Latest update April 25th, 2024 12:59 AM
Nov 05, 2022 Dem Boys Seh, Features / Columnists, News
Dem Boys Seh…
Kaieteur News – Some people like to tek odder people success and mek dem problem. Wan man ask he followers wah is dem problem. One of dem reply how she concern about de $70,000 steak. Now why would she be worried about what people gan pay fuh fine dining. If she can’t afford fuh go to de place dat is she problem. Dem wah can afford gan go and some of dem gan go and put up picture put Facebook and Tik Tok just fuh show off how dem can afford fine dining. But if you can’t afford to go, you should not envy somebody wah gat de means fuh go. People mek dem money and dem muss be free fuh spend it on what dem like. If you can’t afford de steak yuh could try something cheaper or rather try somewhere cheaper.
Deh gat places weh de steak far cheaper. As wan man talk, de fancy food does go in and it does come out. No matter how rich or poor we are, deh gat a place weh de food does pass out. So nah mek people success your problem. Bear yuh chafe till yuh could do better. Right now betterment looking far away. No amount of salary increases gan solve de cost of living problem. De more money de government and de private sector pay dem employees, de more dem vendors gan increase de price of food. Chicken is the poor man food fuh Christmas Day. But it nah look as if poor people gan even afford to buy chicken fuh Christmas, much less fuh worry about de price of steak.
Talk half. Leff half.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]