Dem Boys Seh…
Kaieteur News – Everybody questioning wah de Budget do fuh dem. But dat is de wrong question. Dem should be asking bout dem own personal Budget and how dem can improve dem circumstances.
De guvament Budget is fuh de guvament. De guvament gat fuh collect taxes and dem gat fuh spend money fuh provide things fuh de people. But nah expect guvament fuh put money in yuh pocket.
Dat is not de purpose of de guvament Budget. De purpose is fuh mek it easier fuh you improve you own Budget.
Lang ago dem Budget use to cause fear in de population. People use to frighten devaluation more dan dem fighten COVID now.
Even after de economy done free up, some businessmen use to get nightmares as to whether de dollar gan devalue and dem gan lose money. But dem days pass.
Dem boys know a lady wah decide fuh trim she household Budget. Instead of carrying she clothes to de laundry, she decide fuh wash dem sheself. She save a few thousand dollars every month by doing dat.
One day she tell she husband, “We are a few hundred dollars richer because I washed this dress by hand.”
De husband tell she, “Excellent, wash it again.”
De wife decide dat she gan teach he a lesson. So she went out and buy wan expensive dress and come home and show it to she husband.
De husband ask she, “I thought we deh pun a Budget.”
“Yes,” de wife say, “but de Devil went shopping with me.”
De husband ask she, “Why? What happen to ‘Get behind me Satan?’”
“I did tell him dat,” said de wife. “Except that he said that the dress looked even better from behind.”
Talk half. Leff half.
May 23, 2022-Persaud, Shaw, Spencer, Washington also in winners’ lane By Zaheer Mohamed in Essequibo Kaieteur News – Akil Campbell of Trinidad and Tobago showed his prowess once again as he overpowered...
By Sir Ronald Sanders Kaieteur News – The Summit of the Americas, scheduled to be held in Los Angeles from June 8 to... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]