Latest update April 25th, 2024 12:59 AM
Oct 14, 2021 Dem Boys Seh, Features / Columnists
Dem Boys Seh…
Kaieteur News – California gat supply-chain problems. Dem gat plenty containers pun de wharves but dem nah gat enough truck driver fuh transport dem, and nah gat enough workers fuh empty dem containers and put de goods in de stores.
Guyana can solve dat problem. We gat plenty truck drivers – some ah dem who buy dem licence, who can do dat wuk. All de embassy gat fuh do is give dem a temporary visa and dem gan go and drive dem trucks.
When dem American drivers gan tek two days fuh complete a journey, dem Guyanese drivers gan do it in one day. Dem gan eat and sleep while driving and nah drive off de road. In fact, dem gan drive so fast dat whoever deh pun de road gan pull aside. If dem Americans want, dem gan drive de truck not only to de door of de warehouse, but dem can drive it through de warehouse and if possible dem gan even drive it through some people house. Dat is wah yuh call home delivery.
And when it come fuh workers unpack dem container, dem boys know some young men wah specialise in dat wuk. Dem men could empty a whole boat in five minutes, much less a container. Dem gan empty dem container suh quickly dat dem store owners nah gat to pay overtime.
Dem loaders and truckers does not allow nothing fuh stand in dem way. One time a truck bin driving down de road when it roof get caught under a bridge. Traffic back up all de way fuh miles.
A policeman go up to de truck driver and seh, “So yuh get stuck under de bridge.”
De truck driver tun to he and answer: “Nah ah was transporting de bridge and ah run out of petrol.
Talk half and nah mek joke with Guyanese drivers
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]