Latest update April 18th, 2024 12:59 AM
Aug 12, 2021 Dem Boys Seh, Features / Columnists
Dem Boys Seh…
Kaieteur News – Dem mekking dem policy straight. If yuh is a doctor or a nurse or a visitor to a hospital yuh should be vaccinated. If yuh nah vaccinated yuh gat fuh produce wan negative PCR or antigen test every day before yuh enter de wuk place.
Dem boys bin read nuff allegation bout people complaining how dem family been get COVID in dem hospital. And dem boys reason dat if dis is true, den somebody had to carry de virus in de hospital.
Dem boys seh is not fair if yuh get admit to de hospital and den somebody infect you with de virus when you in de hospital. Dat is why dem boys seh dem doctor, dem nurse and dem visitor muss get vaccinated. But not dem patients.
Is de same thing in dem ole people homes. De staff muss get vaccinated because if one ah dem get infected and carry de virus in de ole people home, yuh could never tell if de virus could spread and kill out dem ole people.
Dem nurses and doctors was de fuss fuh get offer de vaccines when it fuss come to Guyana. And de reason is dat dem expose to sick people and suh dem need fuh be protected. But dem also can infect dem patients and dat is all de more reason fuh get vaccinated.
But yuh gat a right not to get vaccinated. But if yuh exercise dat right, yuh gat fuh get tested every day. Dat is what dem boys feel is de right thing.
Talk half and who vex, vex!
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]