Kaieteur News- Dem boys nah surprise fuh read how a man jump de vaccination line. Is suh thing does wuk in Guyana. When yuh gat lines, yuh does jump de line.
Car does deh line up at dem traffic lights and somebody does drive alongside and jump de red light. People does deh line up fuh see cricket and watch concert at de National Stadium and somebody does come and pope de line.
When yuh line up in de supermarket, somebody does waltz up to de cashier and try fuh cash dem items before you who waiting yuh turn.
How many of y’all ever see any rich businessman in Guyana in de passport line? Is nat dat dem nah want passport. Is just dat dem gat de contacts so dem nah gat fuh line up. When dem go through de door of de passport office, dem does turn left instead of right.
Dem boys vex though when dem read about de man wah jump de vaccination line. But dem boys know dat is how we roll.
Dem boys wan an audit of de vaccines distribution to determine who get vaccine before dem time. Dem should call in de Auditor General and he should go around and find out how much people who name deh down as receiving de vaccine is frontline workers and how much ah dem come from de back of de line. Dem boys sure dat he gan find some who don’t even wuk in de health sector.
Talk half and find de name of de wan wah jumping line!
Mar 03, 2021Kaieteur News – Last weekend, three female Guyanese student-athletes made it to the podium as the National Collegiate Athletic Association (NCAA) Division One Track and Field season got...
Kaieteur News – Last year, on March 2, Kaieteur Radio hosted a programme on the election to run until the process was... more
By Sir Ronald Sanders Kaieteur News – If U.S. President, Joe Biden, eases the trade embargo against Cuba, one benefit... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]