Dem Boys Seh…
Kaieteur News – De Shaart Man getting close-mark by de Big Man. He bin think that he would ah get he own Ministry. But de Big Man seh nah. He want keep an eye pun he because he know de Shaart Man is good friend with de Kingmaker. So fuh de fuss time in Guyana history, one of de most important office in de land nah get wan appointee. Dat tell its own story about in-fighting and insecurity.
Dem boys know that certain announcement does gat to be mek by de Shaart Man, but on Thursday, de Big Man steal de Shaart Man thunder. Before de Shaart Man can talk, de Big Man does do what he gat fuh do.
Dem boys looking forward to who gun get promote and who gun get demote. Dem boys hear dat de Big Man nah please with some of dem blow-blow people around he. He right. Dem boys believe dat some of dem is sheer blow-blow. Whole day all de doing is putting up dem nice face pun Facebook. Dem going around de place like Santa Claus and dem tekking out picture and calling that wuk.
Dem boys feel is time fuh a reshuffling of de pack because some of dem nah ready yet.
Dem just posing in position. Some of dem nah know what fuh do and some of dem nah gat any new ideas fuh offer people. Dem trading pun dem nice face.
So dem boys hoping that even though de Big Man keeping the Shaart Man on a short leash, he should pay attention to dem blow-blow persons around him. Dem is dead weight.
Talk half and tek a guess who gun get de axe fuss.
Feb 26, 2021Kaieteur News – Shimron Hetmyer struck an attacking century; Raymon Reifer fell short of a ton by 10 runs while Gudakesh Motie picked up four wickets as Guyana Jaguars trounced Windward Islands...
Kaieteur News – The headline for my Tuesday, March 16 column was, “No government is going to listen to you if you... more
By Sir Ronald Sanders Kaieteur News – People in the Caribbean, who refuse to take vaccinations to counter the Coronavirus,... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]