People running helter skelter shouting, “Hess strike oil. Is 18 oil fields now, 18 oil fields!”
What Hess should be telling the people is what dem giving we the Guyanese people.
What sense it mek dat you find more fields which means more money fuh dem oil companies but we still gat to content with de miserly 2% royalty and de 12.5% profit oil. Papau New Guinea say they want 65%.
But if you find mo oil, then you tap up de signing bonus. We gat de biggest oil find fuh de decade and yet de signing bonus less than dat which Barcelona paying to Lionel Messi. Dem boys can’t see eye to eye with dat!
Dem boys read how de PPP/C seh how dem nah see eye to eye yet with Exxon. It remind dem boys about de Rig-adier who wan meet he supporters eye to eye. Dem boys know he kant watch dem boys in dem eye after wah he bin do.
He let a lot of people hand fall. Dem boys bin like he but what he try fuh do, disgrace he self and shame de country.
Is dat is why dem oil company does tek advantage pon we. Dem look eye to eye at we leaders and den dem wink.
Dem boys seh Exxon and Hess nah only wink, dem eye twinkling.
Talk half and look fuh see who gan blink fuss!
Sep 21, 2020…FIFA and Concacaf offering more for development programmes By Franklin Wilson The rise of Guyana’s female football team, aka ‘Lady Jags’ over the past few years has been very encouraging...
Kit Nascimento published a letter in the Kaieteur News and the Stabroek News last Saturday repeating the description of the... more
It is still taking two days for the results of coronavirus testing to be available. This is way short of the two hours which... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]