Dem Boys Seh…
Dem boys hear how de HAP-New+HAY-Eff-See looking fuh a higher court fuh appeal de CCJ decision.
Dem boys know wheh dem should go. Is only one court lef fuh dem.
It named Palm Court and according to dem odder boys, de Coalition can hire two top notch Russian lawyers – Smirnoff and Ivanoff.
You don’t have to ask who gun be de lead local counterpart counsel at Palm Court. De same man wha seh ta-ta nah mean goodbye.
De CCJ nah pull no punches Wednesday. Dem talk dem story plain and straight. Dem tell it logically.
Dem judges, all five of dem, seh unanimously how de Court of Appeal decision nah valid, nah because it appealable but because de Court of Appeal nah had jurisdiction to hear de case in de fuss place.
Therefore since dem nah supposed to hear de case, dem decision nah valid.
Dem also seh de Constitution mean wha it seh and it seh wha it mean.
Dat mean if you nah know what it seh, just find out wha it mean and if you nah know what it mean find out wha it seh.
De CCJ talk how when de Court of Appeal mek them decision, is like them invite de Chief Elections Officer fuh undertake something which he nah gat no authority fuh do.
Rigadier, formerly known as Soulja Bai, also confused by de decision.
He talking about coercive orders. Dem boys want remind everybody wha old people does talk. Dem seh when yuh go into de square ring, yuh must be able fuh stand up and tek yuh licks like a man.
If you can’t stand up and tek yuh licks like a man, then you must stay at home and play dolly house.
Talk half and lef de other half fuh GEE-CUM.
Aug 08, 2020Interim version WBA Super Middleweight title at stake Thirty-five-year-old Guyanese Lennox ‘Two Sharp’ Allen will match gloves with Cuban-born American David Morrell tonight at the Microsoft...
Five months of election rigging is over. Humans are unpredictable that is why no social scientist will ever use scientific... more
By Sir Ronald Sanders Amid the feverish work to cope with both the public health and economic effects of COVID-19 on their... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]