Latest update April 18th, 2024 12:59 AM
Jan 09, 2020 Dem Boys Seh, Features / Columnists
People does tek odda people problem and mek it dem own. Dem boys see people go to funeral wheh dem ain’t know de people and dem does cry more than de people who de dead concern.
Now Soulja Bai and Ram Jattan mek dem decision and dem done wid dat. Dem seh dem not releasing de details of de Cummingsburg Accord and people get vex. De Accord don’t concern dem but dem want to mek it dem business.
Dat is how de country end up in confusion yesterday. Some reporters meet wid Soulja Bai after he recognize de Australian diplomat. Dem ask him if he can tell dem who is he Prime Ministerial candidate.
A political party ain’t got to declare any Prime Minister till after de elections. Is Papa Cheddi who start wid de stupidness of mekking somebody he runningmate. Dat was de American thing. Papa Cheddi decide to do de same.
Since then every Tom, Dick and Harry Lall gone doing de same stupidness. Soulja Bai try to avoid it but de pressure mek he bow.
When dem reporters ask Soulja Bai bout de candidate de man seh he ain’t got to appoint nobody till after de elections. People decide dat he shunning Ram Jattan. Some people jump and write how dem hear dat de Cummingsburg Accord didn’t even mention Ram Jattan.
People start to talk. Some of dem jump and write letter criticizing Soulja Bai. Dem claim how he don’t have principle and how he eyes pass Hay Hef See.
Lo and behold, dem boys been at a rally yesterday and dem hear it from Soulja Bai mouth dat Ram Jattan gon be he Prime Minister. People calling newspaper to ask dem to pull back letter.
Dem boys seh dat does always happen when people try to get involve in things dat don’t concern dem. And dem seh Soulja Bai should have lef dem wid he confusion. People woulda go pon de stage during de campaign and mek joke bout Ram Jattan and Soulja Bai.
Talk half and watch how people fast.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]