Latest update April 24th, 2024 12:59 AM
Dec 29, 2018 Dem Boys Seh, Features / Columnists
De coalition causing confusion. Fuh three years dem running de country wid a 33 seat majority. All dat time, everybody agree dat 33 is more than 32.
All of a sudden, Charranrass wha been pon de 33 join wid de 32 in a vote. Dat is how de no-confidence motion pass.
Dem boys seh Nigel stir up a debate. He seh he daady do a case in Farrin couple years back and according to wha happen deh, 33 was not really a majority over 32.
Dat start a talking dat nuff people want go back to school to learn arithmetic.
Dem boys know one headmaster who had a 65 inch measuring tape. He cut off 33 inch and measure it wid de 32 to see which one more lang. He carry it and he ask Nigel fuh judge. Nigel still trying to determine if de 33 is more than de 32.
Is not dat measuring thing baffling dem boys. Dem hear some coalition members talking dat same dotishness Nigel preaching.
He seh 34 is de majority fuh de no confidence to succeed. If dat is so, then how come de coalition been running de govt wid a 33-seat majority. And voting wid it too.
Dem boys seh if 34 is defined as de majority fuh de no-confidence vote then de coalition should have a 34-seat majority.
Since dem don’t have 34 seats it look like if de govt is illegal.
And while de coalition and all dem politicians rowing and fretting over Charranrass vote, Santa Claus is here wid a better vote.
Santa tell dem boys if Parliament can’t wuk then no money can’t release; no business can carry on in de country.
Santa seh wid he business, you don’t have to get money right away. He business involve girls dress up in skimpy Santa suit. De sign wha dem girls carrying tell de whole story.
It reads, “Ride anyone of we today and pay tomorrow.”
Talk half and tek up ease you stress wid Santa offer.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]