Jagdeo is a tax dodger and a cheat

Dec 18, 2018 Dem Boys Seh, Features / Columnists, News

Donald Trump refuse to release he tax records. Why would anybody want to refuse to reveal you tax records? It got to be dat you got things to hide and you is a crook.
Donald Trump is not de only one. Spin de map to Guyana and we find Jagdeo just as cockish or even worse than Trump.
Dis man was the Minister of Finance fuh almost 20 years because when he was president, he never give up de portfolio.
Dis is a man who start wukking at de Finance Ministry riding a bicycle. He was living in Campbellville in a rent house.
Just imagine from then to now, dis man got he mansion at Pradoville wha worth in excess of $200 million.
He got anodda Queenstown property wha worth more than $100 million. He buy dis one from, he friend Brian James. Dem boys want to believe is some underhand deal dem do.
Jagdeo collecting big fat US dollar in rent every month and he got de nerve to tell de nation dat he don’t pay taxes and he don’t intend to pay taxes because he was president.
Dis man telling Guyana dat he can buy a business place in Guyana and compete. He can open a brewery like Banks DIH or a distillery like DDL.
He can import de raw material and pay not tax whatsoever, operate de business, mek profits and pay no taxes.
Dem boys want to know which constitution he read dat allows an ex-president to earn money after he lef de office.
Only he pension is tax-free. Any odda money he earn, according to de tax laws, whether ee guh pon ee knees and hands on de floor to earn it, is taxable.
Dem boys hope Statia go after Jagdeo like how he, Jagdeo, use to go after people using Sat-R.
Dem boys will never forget how he mek Freddie pay taxes on some old furniture de man had in ee house. De man even pay pon ee old stove and fridge.
Dem boys want tell Statia dat Jagdeo got furniture specially imported from Italy since ee stop being president and ee never pay tax pon dem.
De tax man got to do a forensic audit on Jagdeo and expose his wealth.
Dem boys hear he own Belvedere wha bun down in Camp Street. Dem boys believe dat he do a deal wid dat, too.
Talk half and Dem boys wonder which tax law Jagdeo study.

Discover more from Kaieteur News

Subscribe to get the latest posts sent to your email.

Latest News